Құжаттың редакциясы: 11 қыркүйек 2026 жыл
Осы құжат FM ONLINE білім беру орталығы ұйымдастыратын BASTIME CAMP білім беру лагері аясындағы конкурстың өткізілу тәртібін, қатысу талаптарын, рейтингтік жүйені, балл есептеу қағидаларын, жүлдегерлерді анықтау тәртібін, қатысушылардың құқықтары мен кепілдіктерін, жүлделерді табыстау және жеке деректерді өңдеу шарттарын белгілейді.
Конкурс кездейсоқ таңдау қағидаты бойынша өткізілмейді. Жеңімпаздар осы Шарттарда алдын ала белгіленген тапсырмаларды орындау, сабақтарға қатысу және белсенділік нәтижесінде жиналған қорытынды рейтингтік балл бойынша анықталады.
1. ҰЙЫМДАСТЫРУШЫ
Конкурстың және BASTIME CAMP лагерінің ұйымдастырушысы:
FM ONLINE білім беру орталығы
ИП «МҰХАМЕДЖАН»
ЖСН/БСН: 931019351252
Заңды мекенжайы: Казахстан, г. Караганда, УЛИЦА СТАЛЕЛИТЕЙНАЯ, дом 1Б
Байланыс телефоны: +7 (747) 260-07-94
E-mail: nurbolat.mukhamejan@gmail.com
Бұдан әрі – «Ұйымдастырушы».

2. BASTIME CAMP ТУРАЛЫ
BASTIME CAMP – ҰБТ-да математика пәнін таңдаған 10–11 сынып оқушыларына арналған 1 апталық білім беру лагері.
Лагерьдің жалпы мерзімі: 14–20 қыркүйек 2026 жыл.
Негізгі оқу және рейтингтік іс-шаралар 14–19 қыркүйек аралығында өткізіледі.
20 қыркүйек – демалыс күні.
20 қыркүйекте оқу сабақтары, рейтингтік тапсырмалар және балл жинауға арналған іс-шаралар өткізілмейді.
BASTIME CAMP аясында қатысушылар:

• FM ONLINE оқу материалдарына қолжетімділік алады;
• бастапқы білім деңгейін анықтайды;
• мастер-классқа қатысады;
• практикалық сабақтарға қатысады;
• конспект және үй жұмыстарын орындайды;
• кураторлық іс-шараларға қатысады;
• апталық тест тапсырады;
• арнайы оқу материалдарын ала алады;
• академиялық және белсенділік рейтингі бойынша балл жинайды.

3. ҚАТЫСУШЫЛАРҒА ҚОЙЫЛАТЫН ЖАЛПЫ ТАЛАПТАР
BASTIME CAMP және конкурс:

• 10–11 сынып оқушыларына;
• ҰБТ-да математика пәнін таңдаған немесе математика қатысатын пән комбинациясын таңдаған оқушыларға;
• BASTIME CAMP-қа белгіленген тәртіппен тіркелген қатысушыларға

арналған.
Конкурсқа қатысу үшін FM ONLINE ақылы курсын сатып алу міндетті емес.
Алайда осы Шарттардың 7-бөлімінде көрсетілген талаптарға сәйкес FM ONLINE курсына тіркелген немесе Premium пакетінде оқитын қатысушыға академиялық рейтингте 500 қосымша балл беріледі.
Конкурсқа қатысу арқылы қатысушы осы Шарттармен танысқанын және оларды қабылдағанын растайды.
18 жасқа толмаған қатысушыларға қатысты жүлде табыстау немесе заңнамада талап етілетін өзге әрекеттер ата-анасының немесе заңды өкілінің қатысуымен және/немесе келісімімен жүзеге асырылуы мүмкін.
4. BASTIME CAMP БАҒДАРЛАМАСЫ14 қыркүйек

• FM ONLINE курс материалдарына қолжетімділік алу;
• тегін диагностикалық тест тапсыру және бастапқы деңгейді – «А нүктесін» анықтау;
• 10:00 – белсенділік рейтингінің ресми басталуы;
• 19:00 – Нұрболат Мұхамеджанмен (Шаринган ағай) мастер-класс.

Мастер-класс тақырыбы:
«ҰБТ-ға дайындықты нөлден бастап, грантқа түсу стратегиясы»
15 қыркүйек
19:00 – Физика пәнінен практикалық сабақ
Ұстаз: Нұрболат Мұхамеджан
Тақырып: «Дыбыс»
19:00 – Информатика пәнінен практикалық сабақ
Ұстаз: Айшагүл апай
Тақырып: «Компьютердің логикалық негіздері»
Қатысушы өзінің таңдаған пән бағытына сәйкес физика немесе информатика сабағына қатысады.
16 қыркүйек
19:00 – Математика пәнінен практикалық сабақ
Ұстаз: Мейрамбек ағай
Тақырып: «Функция базасы»
17 қыркүйек

• Quizz-жарыстар;
• кураторлық сағаттар;
• оқушылар арасындағы жүлделі және білім беру бағытындағы белсенділіктер.

18 қыркүйек
19:00 – Математикалық сауаттылық бойынша практикалық сабақ
Ұстаз: Расул ағай
Тақырып: «Мәселе есептер»
Сонымен қатар қатысушылар апталық тест тапсырып, лагерь барысында алған білімдерін қорытындылайды.
19 қыркүйек
14:00 – белсенділік рейтингінің және рейтингтік кезеңнің аяқталуы.
14:00-ден кейін Instagram белсенділігі, рефералдық әрекеттер және рейтингке арналған өзге әрекеттер бойынша қосымша балл есептелмейді.
14:00–18:00 – рейтинг деректерін тексеру және қорытындылау кезеңі.
Осы аралықта кураторлар мен Ұйымдастырушының жауапты қызметкерлері:

• академиялық тапсырмаларды;
• Instagram белсенділігін;
• рефералдарды;
• құпия сөздерді;
• курсқа тіркелу деректерін;
• конвертация нәтижелерін;
• қатысушылардың талаптарға сәйкестігін

тексереді және қорытынды рейтингті қалыптастырады.
19:00 – қорытынды мотивациялық эфир.
Эфир барысында BASTIME CAMP қорытындысы шығарылып, конкурс жүлдегерлері жарияланады.
Мотивациялық эфирге қатысу үшін рейтингтік балл берілмейді.
20 қыркүйек
Демалыс күні.
Бұл күні рейтингтік тапсырмалар мен қосымша балл жинауға арналған іс-шаралар өткізілмейді.
5. НЕГІЗГІ РЕЙТИНГ ЖӘНЕ ЖҮЛДЕЛЕР
BASTIME CAMP негізгі қорытынды рейтингі екі бөлімнен құралады:
1. Академиялық рейтинг – максимум 1100 балл;
2. Белсенділік рейтингінен конвертацияланатын балл – максимум 250 балл.
Негізгі рейтингтің максималды нәтижесі:
1100 + 250 = 1350 балл.
Негізгі конкурс жүлделері осы қорытынды рейтинг бойынша беріледі.
I орын
Жеңімпаз төмендегі жүлделердің біреуін өз қалауы бойынша таңдай алады:

• Apple iPhone 18;
• Apple iPad;
• Apple MacBook Neo;
• 500 000 ₸ ақшалай сыйлық.

I орын иегері көрсетілген төрт нұсқаның біреуін ғана таңдайды.
II орын
200 000 ₸ ақшалай сыйлық.
III орын
100 000 ₸ ақшалай сыйлық.
Техникалық құрылғы таңдалған жағдайда оның нақты түсі, жады көлемі және конфигурациясы жүлдені табыстау кезіндегі қолжетімділікке байланысты анықталуы мүмкін.
6. АКАДЕМИЯЛЫҚ РЕЙТИНГ
Қатысушы академиялық бөлім бойынша максимум 1100 балл жинай алады.
Максималды академиялық нәтиже – 1100 балл.
Физика бағытын таңдаған қатысушы информатика тапсырмаларын орындауға міндетті емес.
Информатика бағытын таңдаған қатысушы физика тапсырмаларын орындауға міндетті емес.
Физика және информатика академиялық рейтингте бір есептік блок болып саналады.
7. КУРСҚА ТІРКЕЛУ ҮШІН 500 БАЛЛ
Осы тармақ бойынша максимум 500 балл беріледі.
7.1. Белгіленген кезеңде жаңадан тіркелген қатысушылар
Егер қатысушы FM ONLINE курсына:
2026 жылғы 14 қыркүйек сағат 00:00-ден 2026 жылғы 19 қыркүйек сағат 14:00-ге дейін
жаңадан тіркелсе, таңдаған пакетіне қарамастан 500 академиялық балл алады.
Осы кезеңде FM ONLINE-ның қолжетімді кез келген пакетіне тіркелу жеткілікті.
7.2. 14 қыркүйекке дейін тіркелген қатысушылар
Егер қатысушы FM ONLINE курсына 2026 жылғы 14 қыркүйек сағат 00:00-ге дейін тіркелген болса, 500 балл алу үшін ол:

• Premium пакетінде оқып жүруі;

немесе

• 2026 жылғы 19 қыркүйек сағат 14:00-ге дейін өз пакетін Premium пакетіне көтеруі немесе Premium пакетіне қажетті қосымша төлем жасауы тиіс.

Талап орындалған жағдайда қатысушыға 500 балл беріледі.
Бірнеше пакет сатып алу, бірнеше рет тіркелу немесе бірнеше төлем жасау және осы тармақ бойынша 500 баллдан артық балл бермейді.

7.3. Бұрын курс ұтып алған қатысушылар
FM ONLINE ұйымдастырған осы конкурс басталғанға дейінгі ұтыстарда немесе конкурстарда FM ONLINE курсын жүлде ретінде ұтып алған қатысушыларға осы бөлімде көзделген 500 балл есептелмейді.
Мұндай қатысушылар BASTIME CAMP-тың өзге академиялық және белсенділік тапсырмаларына қатыса алады, алайда курсқа тіркелу / Premium пакетіне қатысты 500 баллға үміткер бола алмайды.

8. БЕЛСЕНДІЛІК РЕЙТИНГІ
Белсенділік рейтингі:
2026 жылғы 14 қыркүйек сағат 10:00-де басталып, 2026 жылғы 19 қыркүйек сағат 14:00-де аяқталады.
Рейтингтің ресми басталуы FM ONLINE-ның арнайы Instagram парақшасында жарияланатын арнайы публикация арқылы белгіленеді.
14 қыркүйек сағат 10:00-ге дейін жасалған әрекеттер белсенділік рейтингіне есептелмейді.
19 қыркүйек сағат 14:00-ден кейін жасалған әрекеттер белсенділік рейтингіне есептелмейді.
Белсенділікті тіркеу және есептеу үшін Instagram, ChatPlace және Ұйымдастырушы пайдаланатын өзге техникалық жүйелер қолданылуы мүмкін.
8.1. Instagram аккаунтына қойылатын талаптар
Instagram арқылы белсенділік балдарын жинау үшін қатысушы:

• Instagram аккаунтын ашық күйде ұстауы;
• аккаунтында кемінде 30 оқырман болуы;
• @fm_online_ubt парақшасына тіркелген болуы;
• конкурс кезеңінде осы талаптарды сақтауы тиіс.

Instagram аккаунты қатысушының нақты пайдаланатын аккаунты болуы керек.
Аккаунт жабық болған жағдайда Ұйымдастырушы Stories, белгілеулер және басқа әрекеттерді тексере алмауы мүмкін, сондықтан расталмаған әрекеттер есептелмейді.
Қорытынды рейтингті тексеру кезінде Ұйымдастырушы аккаунттың талаптарға сәйкестігін қайта тексеруге құқылы.
Жалған аккаунттар, боттар немесе жасанды белсенділік рейтингке есептелмейді.
8.2. Stories жариялау
Қатысушы BASTIME CAMP-қа қатысты Stories жариялап, @fm_online_ubt парақшасын белгілеуі тиіс.
Бір есептелетін Stories:
400 балл.
Күніне максимум 1 Stories есептеледі.
8.3. Постқа комментарий қалдыру
Бір есептелетін комментарий:
200 балл.
Күніне максимум 2 комментарий есептеледі.
Екі комментарий екі түрлі публикацияға жазылуы тиіс.
8.4. Stories-ке реакция қалдыру
@fm_online_ubt парақшасының Stories-іне жасалған бір есептелетін реакция:
50 балл.
Күніне максимум 5 реакция есептеледі.
8.5. Реферал арқылы дос шақыру
Талаптарға сәйкес келетін әрбір бірегей дос үшін:

• шақырған қатысушыға – 100 балл;
• шақырылған қатысушыға – 100 балл

беріледі.
Реферал санына шектеу қойылмайды.
Шақырылған қатысушы ҰБТ-да математика пәнін таңдауы және BASTIME CAMP талаптарына сәйкес келуі тиіс.
Бір адамды бірнеше рет тіркеу немесе бір тұлғаны бірнеше аккаунт арқылы реферал ретінде көрсету есептелмейді.
8.6. Құпия сөздер арқылы балл жинау
BASTIME CAMP эфирлері, сабақтары және өзге іс-шаралары барысында арнайы құпия сөздер жариялануы мүмкін.
Қатысушы жарияланған құпия сөзді белгіленген тәртіппен @fm_online_ubt парақшасының Direct бөліміне жіберуі тиіс.
Құпия сөздер:

• белсенділік рейтингіне қосымша балл беру;
• арнайы білім беру материалдарына қолжетімділік беру;
• немесе осы екі мүмкіндікті қатар ұсыну

мақсатында қолданылуы мүмкін.
Мастер-класс
Жоспар бойынша мастер-класс барысында:
1000 баллдан 2 құпия сөзге дейін
берілуі мүмкін.
Жоспарлы максимум:
2000 балл.
Практикалық сабақтар
Әр есептік практикалық сабақ барысында жоспар бойынша:
500 баллдан 3 құпия сөзге дейін
берілуі мүмкін.
Бір практикалық блок бойынша жоспарлы максимум:
1500 балл.
Үш практикалық блок бойынша жоспарлы максимум:
4500 балл.
Физика және информатика бір есептік блок болып саналады.
Мастер-класс пен практикалық сабақтар арқылы жоспар бойынша жалпы:
6500 баллға дейін
жинауға болады.
8.7. Құпия сөздер саны мен механикасын нақтылау
Ұйымдастырушы BASTIME CAMP барысында ұйымдастырушылық, оқу немесе техникалық қажеттілікке байланысты:

• құпия сөздердің санын;
• олардың жариялану уақытын;
• құпия сөздер арқылы берілетін балл көлемін;
• қосымша бонус түрін;
• құпия сөзді қабылдау механикасын

нақтылауға немесе өзгертуге құқылы.
Мұндай өзгерістер қатысушыларға ресми ақпараттық арналар арқылы хабарланады.
Бұрын талаптарға сәйкес жиналған және расталған баллдар кері күшпен негізсіз жойылмайды.
Белсенділік рейтингінде белгіленген 7350 балл = 100% көрсеткіші және негізгі рейтингке конвертацияланатын максимум 250 балл өзгеріссіз қалады.
8.8. Құпия сөздер арқылы берілетін білім беру бонустары
Ұйымдастырушы қатысушыларға қосымша бонус ретінде:

• формулалар жинағын;
• есептер жинағын;
• гранттар бойынша аналитикалық материалдарды;
• ҰБТ бойынша гайдтарды;
• чек-листтерді;
• конспекттерді;
• PDF материалдарды;
• практикалық тапсырмаларды;
• басқа қосымша оқу материалдарын

ұсынуға құқылы.
Белгілі бір құпия сөз тек материал беруге, тек рейтингтік балл беруге немесе бір уақытта материал мен балл беруге арналған болуы мүмкін.
Бұл материалдар негізгі конкурс жүлделері болып саналмайды.
8.9. Белсенділік рейтингінің 100% көрсеткіші
Белсенділік рейтингінде:
7350 балл = 100%.
Қатысушының белсенділік пайызы:
жиналған белсенділік балы ÷ 7350 × 100%
формуласы бойынша есептеледі.
Қатысушы 7350 баллдан артық жинай алады.
7350-ден жоғары жиналған нақты баллдар белсенділік бойынша жеке TOP-3 рейтингін анықтау кезінде толық есепке алынады.
Негізгі рейтингке конвертациялау үшін максимум 100% есептеледі.
8.10. Белсенділік балын негізгі рейтингке конвертациялау
Белсенділік рейтингі негізгі рейтингке максимум 250 балл көлемінде конвертацияланады.
Формула:
Жиналған белсенділік балы ÷ 7350 × 250
Конвертация нәтижесі 5-ке қалдықсыз бөлінетін ең жақын баллға дейін дөңгелектенеді.
Мысалы:

• 10% → 25 балл;
• 20% → 50 балл;
• 34% → 85 балл;
• 50% → 125 балл;
• 75% → шамамен 190 балл;
• 90% → 225 балл;
• 100% және одан жоғары → 250 балл.

Максималды конвертация – 250 балл.
8.11. Белсенділік рейтингі бойынша жеке ақшалай жүлделер
Белсенділік рейтингінде кемінде 7350 балл жинаған қатысушылар жеке ақшалай жүлделер рейтингіне қатыса алады.
Жеңімпаздар 2026 жылғы 19 қыркүйек сағат 14:00-дегі нақты белсенділік нәтижесі бойынша анықталады.
I орын – 50 000 ₸
II орын – 30 000 ₸
III орын – 20 000 ₸
Бұл жүлделер BASTIME CAMP негізгі рейтингінің жүлделерінен бөлек есептеледі.
Қатысушы талаптарға сәйкес келген жағдайда негізгі рейтингте де, белсенділік рейтингінде де жүлдегер бола алады.
9. НЕГІЗГІ ҚОРЫТЫНДЫ РЕЙТИНГТІ ЕСЕПТЕУ
Негізгі рейтинг:
Академиялық балл + белсенділік рейтингінен конвертацияланған балл = қорытынды рейтингтік балл
формуласы бойынша есептеледі.
Максималды академиялық нәтиже:
1100 балл.
Максималды белсенділік конвертациясы:
250 балл.
Максималды қорытынды нәтиже:
1350 балл.10. ЖЕҢІМПАЗДАРДЫ АНЫҚТАУ ТӘРТІБІ
Жеңімпаз кездейсоқ таңдалмайды.
Негізгі конкурс жеңімпаздарын анықтау алгоритмі:

1. Қатысушының академиялық рейтинг бойынша жинаған балдары есептеледі.
2. Белсенділік рейтингіндегі нақты балы анықталады.
3. Белсенділік балы осы Шарттардағы формула бойынша максимум 250 балға конвертацияланады.
4. Академиялық және конвертацияланған баллдар қосылады.
5. Барлық қатысушылар ең жоғары балдан төмен қарай рейтингке қойылады.
6. Ең жоғары қорытынды балл жинаған қатысушы I орын иегері болады.
7. Келесі нәтиже көрсеткен қатысушы II орын иегері болады.
8. Үшінші нәтиже көрсеткен қатысушы III орын иегері болады.

11. БАЛЛДАР ТЕҢ БОЛҒАН ЖАҒДАЙ
Екі немесе одан да көп қатысушы бірдей қорытынды балл жинаған жағдайда жоғары орын FM ONLINE курсына ертерек тіркелген қатысушыға беріледі.
Тіркелудің күні мен нақты уақыты Ұйымдастырушының ресми тіркеу жүйелеріндегі деректер бойынша анықталады.
Осы қағида I, II және III орындарға қолданылады.
12. РЕЙТИНГТІ ТЕКСЕРУ ЖӘНЕ ҚОРЫТЫНДЫЛАУ
19 қыркүйек сағат 14:00-де рейтингтік кезең аяқталады.
14:00–18:00 аралығында Ұйымдастырушы мен кураторлар:

• академиялық тапсырмаларды;
• Instagram және ChatPlace деректерін;
• Stories пен реакцияларды;
• комментарийлерді;
• рефералдарды;
• құпия сөздерді;
• сабақтарға қатысуды;
• конспекттерді;
• үй жұмыстарын;
• тест нәтижелерін;
• курсқа тіркелу уақытын;
• пакет түрін;
• белсенділік конвертациясын

тексереді.
Осы тексеруден кейін қорытынды рейтинг қалыптастырылады.
19 қыркүйек сағат 19:00-де қорытынды мотивациялық эфирде дайын нәтижелер жарияланады.
13. АРАЛЫҚ РЕЙТИНГ
Қатысушылардың нәтижелері конкурс барысында арнайы турнирлік кестеде жаңартылып отыруы мүмкін.
Аралық рейтинг түпкілікті нәтиже болып саналмайды.
Қорытынды тексеру барысында техникалық немесе есептеу қатесі анықталған жағдайда рейтинг түзетіледі.
14. ҚАТЫСУШЫЛАРДЫҢ ҚҰҚЫҚТАРЫ МЕН КЕПІЛДІКТЕРІ
Ұйымдастырушы конкурсты осы жарияланған Шарттарға сәйкес өткізуге міндеттенеді.
Барлық қатысушыларға бірдей есептеу және бағалау критерийлері қолданылады.
Ұйымдастырушы:

• жеңімпазды кездейсоқ немесе субъективті түрде таңдамауға;
• жарияланған рейтингтік жүйені қолдануға;
• расталған баллдарды негізсіз жоймауға;
• қорытынды рейтингті объективті деректер негізінде қалыптастыруға;
• расталған жеңімпаздарға тиісті жүлдені табыстауға

міндеттенеді.
Қатысушы:

• өз рейтингтік нәтижесі туралы ақпарат алуға;
• балл есебін нақтылауға;
• есептеу қатесі болған жағдайда қайта тексеруді сұрауға;
• өзіне қатысты қате деректерді түзетуді сұрауға;
• конкурс шарттары бойынша Ұйымдастырушыға сұрақ жолдауға

құқылы.
15. НӘТИЖЕ БОЙЫНША ӨТІНІШ БЕРУ
Қатысушы қорытынды нәтиже немесе өзіне есептелген балл бойынша сұрақ туындаған жағдайда Ұйымдастырушының ресми байланыс арналары арқылы өтініш бере алады.
Ұйымдастырушы өтінішті техникалық және кураторлық деректермен салыстырып тексереді.
Қате расталған жағдайда рейтингке тиісті түзету енгізіледі.
16. ЖҮЛДЕЛЕРДІ ТАБЫСТАУ КЕПІЛДІГІ
Осы Шарттарға сәйкес анықталған және Ұйымдастырушы растаған жүлдегерлерге тиісті жүлде табысталады.
Жүлдені алу үшін жеңімпаздан тұлғасын, байланыс деректерін және конкурс талаптарына сәйкестігін растау сұралуы мүмкін.
18 жасқа толмаған қатысушы жағдайында ата-анасының немесе заңды өкілінің келісімі және/немесе қатысуы талап етілуі мүмкін.
Жүлдені алу құқығы үшін қосымша конкурс жарнасы алынбайды.
Жүлделер жеңімпаз анықталып, қажетті деректер расталғаннан кейін 30 күнтізбелік күн ішінде беріледі, егер тараптар өзге мерзімді жеке келіспесе.
17. ӘДІЛ ҚАТЫСУ ТАЛАПТАРЫ
Жалған аккаунттарды, боттарды, жалған рефералдарды, бірнеше аккаунт арқылы нәтижені жасанды көбейтуді, өзге адамның тапсырмасын иемденуді немесе рейтингке әділетсіз ықпал етудің өзге тәсілдерін қолдануға жол берілмейді.
Бұзушылық расталған жағдайда Ұйымдастырушы тиісті әрекетті есепке алмауға, негізсіз алынған баллды жоюға, рейтингті қайта есептеуге немесе елеулі бұзушылық кезінде қатысушыны конкурстан шығаруға құқылы.
18. ТЕХНИКАЛЫҚ ҚАТЕЛЕР
Instagram, ChatPlace немесе өзге техникалық жүйелерде ақау болған жағдайда Ұйымдастырушы қолда бар нақты деректерді пайдаланып нәтиженің дұрыстығын тексеруге құқылы.
Техникалық қате қатысушының талаптарға сәйкес бұрын жинаған расталған баллдарын негізсіз жоюға негіз болмайды.
19. КУРАТОРЛЫҚ ҚАДАҒАЛАУ
BASTIME CAMP қатысушыларына кураторлық қолдау көрсетіледі.
Кураторлар:

• сабақтар туралы хабарлайды;
• эфир сілтемелерін береді;
• тапсырмалардың мерзімі мен орындау тәртібін түсіндіреді;
• қатысушының академиялық белсенділігін қадағалайды;
• рейтингке қатысты сұрақтарға көмектеседі;
• қорытынды рейтингті тексеруге қатысады.

Қатысушының тіркелу деректері осы мақсаттар үшін жауапты кураторларға берілуі мүмкін.
20. ЖЕКЕ ДЕРЕКТЕРДІ ӨҢДЕУ
Ұйымдастырушы конкурс пен BASTIME CAMP-ты өткізу мақсатында:

• аты-жөні;
• телефон нөмірі;
• сыныбы;
• таңдаған пәндері;
• Instagram аккаунты;
• курсқа тіркелу деректері;
• пакет туралы ақпарат;
• сабақтарға қатысу деректері;
• тапсырма нәтижелері;
• рефералдық деректер;
• белсенділік көрсеткіштері;
• рейтингтік баллдар

сияқты қажетті деректерді өңдей алады.
Деректер тіркеу, байланысу, кураторлық сүйемелдеу, балл есептеу, рейтинг жүргізу, талаптарға сәйкестікті тексеру және жүлдені табыстау мақсатында пайдаланылады.
Жеке деректерді өңдеудің толық тәртібі сайттағы «Құпиялылық саясатында» көрсетіледі.
21. INSTAGRAM, META, TIKTOK ЖӘНЕ CHATPLACE ТУРАЛЫ
BASTIME CAMP және оның аясындағы конкурс FM ONLINE / ИП «МҰХАМЕДЖАН» тарапынан ұйымдастырылады.
Instagram және Meta Platforms, Inc. осы конкурстың ұйымдастырушысы немесе жүлде ұсынушысы болып табылмайды.
TikTok және оның аффилиирленген компаниялары осы конкурстың ұйымдастырушысы немесе жүлде ұсынушысы болып табылмайды.
ChatPlace белсенділікті техникалық тіркеу және автоматтандыру мақсатында пайдаланылуы мүмкін.
22. ШАРТТАРДЫ НАҚТЫЛАУ ЖӘНЕ ӨЗГЕРТУ
Ұйымдастырушы техникалық немесе ұйымдастырушылық қажеттілік туындаған жағдайда конкурстың жекелеген параметрлерін нақтылауға құқылы.
Атап айтқанда:

• сабақ немесе эфир форматы;
• құпия сөздердің саны;
• құпия сөздердің жариялану уақыты;
• олар үшін берілетін балл;
• бонус материалдарының түрі;
• техникалық есептеу механикасы

нақтылануы мүмкін.
Маңызды өзгерістер ресми ақпараттық арналар арқылы хабарланады.
Өзгерістер бұрын расталған баллдарды негізсіз жоюға немесе жеңімпаздарды анықтау қағидаларын конкурс аяқталғаннан кейін кері күшпен өзгертуге негіз бола алмайды.
23. ФОРС-МАЖОР
Ұйымдастырушыға тәуелсіз төтенше жағдайлар, сервистердің ұзақ мерзімді ақауы, мемлекеттік органдардың талаптары немесе өзге еңсерілмейтін жағдайлар туындаған кезде конкурс кестесіне объективті қажетті өзгерістер енгізілуі мүмкін.
Қатысушыларға бұл туралы ресми байланыс арналары арқылы хабарланады.
24. ҚОРЫТЫНДЫ НӘТИЖЕЛЕРДІ ЖАРИЯЛАУ
Рейтингтік кезең 2026 жылғы 19 қыркүйек сағат 14:00-де аяқталады.
14:00–18:00 аралығында деректер тексеріліп, қорытынды рейтинг қалыптастырылады.
Конкурстың қорытынды нәтижелері 2026 жылғы 19 қыркүйек сағат 19:00-де өтетін мотивациялық эфирдежарияланады.
Мотивациялық эфирге қатысу немесе қатыспау қатысушының қорытынды рейтингтік балына әсер етпейді.
25. ШАРТТАРМЕН КЕЛІСУ
BASTIME CAMP-қа тіркелу және конкурсқа қатысу қатысушының осы Шарттармен танысқанын және оларды қабылдағанын білдіреді.
Осы Шарттар Ұйымдастырушының ресми сайтында конкурс басталғанға дейін және конкурс өткізу кезеңінде ашық қолжетімді болады.
26. БАЙЛАНЫС ДЕРЕКТЕРІ
FM ONLINE білім беру орталығы
ИП «МҰХАМЕДЖАН»
ЖСН/БСН: 931019351252
Заңды мекенжайы: Казахстан, г. Караганда, УЛИЦА СТАЛЕЛИТЕЙНАЯ, дом 1Б
Байланыс телефоны: +7 (747) 260-07-94
E-mail: nurbolat.mukhamejan@gmail.com
Құжаттың редакциясы: 11 қыркүйек 2026 жыл.